Ni: Rose Garcia
NAKU-CURIOUS kaming mapanood ang pelikulang Kung Paano Siya Nawala na unang tambalan nina Rhian Ramos at JM de Guzman.
Sa rami na nang nagawa ni Rhian, iba ang nakikita naming energy sa kanya sa movie at kung paano, sinasabi niyang sobrang iba at binuhos niyang talaga lahat dito.
“Actually, itong movie na ito masasabi ko na binigay naming lahat, for sure. Wala akong itinira sa sarili ko rito, Ha ha ha!”
Kahit na hindi naman na bago kay Rhian na gumawa ng ilang intimate scenes with actors, aminado itong may akward feeling pa rin daw talaga every time na ginagawa niya ito tulad ng sa kanila ni JM sa movie.
Sabi nga niya, “All intimate scenes are awkward. I’m sure some people would think, may nadala ba? Pero it’s impossible kasi there’s many people around you. Trying to light the screen and all…”
Pareho naman daw sila ni JM na naiilang pero siyempre, they both knew na kailangan nilang ibigay ang best nila sa mga scenes.
First time ni Rhian na mag-produce o co-produce kaya naman iba ang nakikita naming passion niya sa pelikula. Kahit na dapat ay nasa New York na siya ngayon sa plano niyang short schooling on comedy, sa December na raw siya aalis after ng showing which is on November 14.
