Ni: Nora V. Calderon
HUHUSGAHAN na ngayong gabi ang muling pagsasama nina Dingdong Dantes at Dennis Trillo, after eight years, sa action-drama series na Cain at Abel.
Ano ang naramdaman nila nang sabihing magsasama sila sa isang malaking action serye?
“I’m happy na magkasama kami muli ni Dennis,” sabi ni Dingdong. “Alam kong matagal na ang concept na ito ng GMA na ibang actors ang gaganap, pero mukhang kami ang hinintay talaga to play the roles, at magkapatid pa kami, pero hindi muna kami magkakilala sa simula ng story dahil mga bata pa kami nang paghiwalayin kami ng parents namin.”
“Na-excite naman ako nang malaman kong magkakasama kami muli ni Dingdong,” sagot ni Dennis. “It’s an honor to be working with the Kapuso Primetime King. Nang nagsimula na kaming mag-taping nangako kami sa isa’t isa na we will do our best para mapaganda talaga ang show dahil punung-puno iot ng aksiyon at drama.”
Mapapanood na gabi-gabi, after ng 24 Oras ang Cain at Abel.
