Ni: Rose Garcia
YOUNG Gloria Romero ang ginagampnan ni Max Collins sa Heaven’s Best Entertainment na 2018 MMFF entry na Rainbow’s Sunset.
Ayon kay Max, since young Gloria nga siya, hindi naman daw ganun kalakihan ang role niya pero sobrang grateful daw siya na siya ang napili.
Idol daw niya ang veteran actress kaya nang malaman niya na siya ang gaganap na young Gloria, pinanood daw niya ang mga old movies nito at pinag-aralan talaga.
Ang ganda-ganda ni Max kahit noong presscon kaya puwedeng-puwede talaga siyang maging batang Gloria Romero.
Magse-celebrate pa lang sina Max at Pancho Magno ng kanilang 1st wedding anniversary ngayong December. Hindi pa nila plano ang magka-baby, pero kung darating man daw, okay sa kanila.
Dito lang din daw sila sa Pasko at sa Kalibo naman sa New Year. By February raw sila magpupunta ng ibang bansa, which is sa Melbourne, Australia sa kasal naman ng kapatid ni Pancho at parang bakasyon na rin nila.
