Ni: Rose Garcia
NAKAKAALIW palang kausap si Michael Angelo, no wonder at mabenta at paboritong speaker dahil bukod sa mga wisdom na naise-share niya, panalo ang humor niya ha.
May show siya sa GMA News TV, ang #MichaelAngelo: The Sitcom na nasa ika-13th season na simula sa January 27. Isa sa bagong aabangan dito ay mga games naman ngayong bagong season.
Bukod dito, ikalawang taon na rin niya na napapanood sa #Michael Angelo Holy Week Drama Special. Last year ay umani ng mataas na ratings ang ginawa niyang lenten special.
Dalawang taon na lang ay pari na sana si Michael Angelo, pero hindi niya itinuloy. Katwiran niya, sa pagpasok niya sa showbiz at pagiging speaker, parang naipagpapatuloy rin daw niya ang pagiging pari dahil sa advocacy ng show na ginagawa.
Personally, una naming nakilala si Michael sa wedding preparation nina Dingdong Dantes at Marian Rivera. Isa rin siya sa abala noon at kinokonsider niyang isa sa mga best friend niya ang Kapuso Primetime King.
