NI: Rose Garcia
NASILIP namin ang pilot episode ng bagong primetime series ng GMA-7, ang Kara Mia.
Kaya naman pala ganun na lang ka-proud ang network sa bagong serye na ito na pinagbibidahan nina Barbie Forteza at Mika dela Cruz, e, talagang ka-proud-proud nga.
Hindi mabibigo, lalo na yung mga nagpa-viral at nagpa-trend ng show hindi pa man ipinapalabas. Opening pa lang ay mapapanood na sina Barbie at Mika bilang sina Kara at Mia.
Tingin namin, yung excitement na makita kada-episode sina Kara at Mia ang isa sa kauna-unahang makakakuha ng interes ng mga manonood sa bagong primetime series na ito. Then, yung kuwento na talaga namang kakaiba.
Sa pilot pa lang, magkakaroon na ng idea kung sino nga ba ang tunay na ama nina Kara at Mia— si John Estrada o yung engkantong si Mike Tan o baka naman—- silang dalawa? Remember yung concept ng dating afternoon prime na Half Sisters? Parang may chance na pareho silang ama ha!
Sa Lunes, February 18 na ang pilot, kapalit ng Cain at Abel. At mukhang this time ha, may laban ang bagong serye na ito ng Kapuso network.
