NI: Rose Garcia
NAKU, hindi ito ang unang beses na may mga fan na nagalit dahil sa pagla-like ng malapit sa mga taong involved.
So, ang aktres na si Sylvia Sanchez ay nasa sentro ng “hate” ng mga fans daw ni Alden Richards o ng AlDub dahil sa diumano’y pagla-like nito sa isang hate message kay Alden.
Ang dating sa mga fan, pinaboran o sinang-ayunan ni Sylvia ang hate o pangba-bash ng particular fan na yun kay Alden.
Ano kaya ang reaksiyon ni Sylvia sa isyung ito? Siya nga kaya ang nag-like dahil agree siya sa sinabi nung hater ni Alden o ‘di sinasadyang na-like niya? Hindi naman siguro gagaya si Ibyang sa ibang artista na ang alibi palagi e, na-hack ang account.
Anyway, masyado ng lumalaki ang apoy ng AlDubAr (Alden-Maine Mendoza-Arjo Atayde.) Damay na talaga ang pamilya na ang nagpapalaki rin talaga ay ang pagka-disgusto ng mga fans.
Eh, look at Alden now, ang saya lang na isa sa bucketlist niya ang natupad.
Nag-bakasyon ito sa Iceland. Kung yung iba, kanya-kanya ng mga naging paandar noong Valentine’s Day, si Alden ay sa Iceland lang naman at na-cross-out na ang isa sa bucketlist niya na makita ang Aurora Borealis.
Ibinahagi rin ito ni Alden sa kanyang social media account. At kita ang kasiyahan nito sa caption na, “Thank you for showing yourself.”
Sana makita rin ng mga fan na itong mga iniidolo nila ay mga relax lang at masasaya ngayon.
So, why not be happy na lang talaga for them, ‘di ba?
