NI: Ruel Mendoza
NAGSALITA na rin si Carlo Aquino tungkol sa babaeng nali-link sa kanya, ang non-showbiz girl na si Trina Candaza.
Ang nag-viral na photo ni Carlo kasama si Trina noong January 2019 at ito ang nagpagalit sa mga fans nila ni Angelica Panganiban.
Inakala kasi nila na totohanan na ang balikan ng dalawa, pero meron palang tinatagong girlfriend si Carlo.
Para sa aktor, hindi na raw niya kailangan pang mag-explain ng mahaba tungkol sa issue.
Sa naging pahayag ng aktor, “Naniniwala kasi ako na may ibang mga bagay na kailangan mong kini-keep private, para kaya mong tumayo in private. Ganun na lang yung ginagawa ko.”
Pero hindi pa rin daw nakatulong ang pahayag na ito ni Carlo para maibsan ang bashing sa kanya at sa kanyang non-showbiz girlfriend.
Hindi raw kasi nito in-explain kung bakit kailangan gamitin pa niya si Angelica at pasakayin ang CarGel fans.
Heto ang ilang mga reaction:
“Not enough explanation!”
“Nagpainterview na din lang si Caloy dapat inamin na niya ang dapat aminin at least naging totoo siya sa lahat especially sa sarili niya..”
“Wait Carlo, bakit you don’t feel the need to explain anything when you owe everything to your fans. Ang mga fans ang bumubuhay sa career ninyo kasi pag nilangaw ang movie ninyo, sino pa kukuha sayo? Dapat reciprocated din ng maganda or honesty from you.
“Dehado si Angge dito sa statement mo kasi lumalabas na assumera si Angge. My goodness! Yung tulog mung career binuhay ni Angge, though magaling kang actor but aminin natin kung gaano inakyat ni Angge bawat pelikula niya sa 9501.”
“Protektahan mo si Angge sa mga sasabihin mo, wag mo syang ilaglag. Dapat kapit bisig kayo eh. Kayo dapat magkaramay. Sadyang ang bait lang siguro ni Angge. Disappointed much ang fans sayo with the way you handle the situation. isip isip boy!”
