NI: Ruel Mendoza
KINASAL na pala ang British singer na si Ed Sheeran sa kanyang fiancée na si Cherry Seaborn.
Noong December 2018 naganap ang secret winter wedding ng dalawa. Ayon sa The Sun, very intimate daw ang wedding nila with only 40 guests.
“It was very quiet – just Ed’s oldest school pals, limited family and the priest. He wanted no fuss and he wanted it to be something entirely for them – just a tiny winter wedding … Neither of them were that fussed about making a big deal about it.”
Pero may pinaplano raw na mas malaking wedding ang dalawa na magaganap sa summer season.
More than three years ding nagde-date sina Ed at Cherry bago sila na-engage at kinasal. Pero nakilala na raw ng singer si Cherry noong 11-years old pa lang ito.
Nagsimula silang mag-date noong 2015 noong muli silang magkita sa Rhode Island para sa isang 4th of July party. Party iyon sa bahay ng kaibigan ni Ed na si Taylor Swift.
Nakapagsalita si Ed na he will take a year off sa pag-perform para maasikaso ang kanyang binubuong pamilya. Sa pagbalik niya in 2020, may bago siyang album na ire-release.
