NI: Rohn Romulo
KAYA pala wala sa Eat Bulaga si Alden Richards last Tuesday ay dahil pumirma na siya ng movie contract sa Star Cinema na kung saan first time nilang magsasama ni Kathryn Bernardo.
So, totoong-totoo na at hindi na ito fake news tulad ng mga haka-haka sa pagtatambal nila sa movie na ididirek ni Cathy Garcia-Molina.
Sa facebook account ni Roxy Liguigan pinost nito na, “Thank You @aldenrichards02 for accepting this movie project:) and thank You Philip’s Celebrity Access for paving the way:) #5monthsPreparation.”
Kasama ang photo nila ni Alden at Philip Rojas na naging instrumento para matuloy ang paggawa ni Alden ng first movie niya sa Star Cinema na tiyak na kaabang-abang na kukunan pa sa Hong Kong at magsisimula na next month.
Kaabang-abang nga ang #KathDen na suportado naman daw ng KathNiel at AlDub, tiyak na napakalaking event nito sa movie industry na ipalalabas bago matapos ang taon.
(photos: #CTTO)
