NI: Rose Garcia
NAKAUSAP namin si Angelika dela Cruz na isa rin sa um-attend ng exclusive screening ng Mystified sa afternoon prime nilang Inagaw Na Bituin.
Obviously, suporta kay Sunshine kaya dumating si Angelika na co-star niya sa INB.
Nang kamustahin namin si Angelika tungkol sa serye, “alam mo, sobrang okay, sobrang good vibes lahat sa set.
“Kahit yung mga bagets, lahat sila, okay, napaka-professional.”
Hindi na raw siya sing-sing ngayon sa serye at okay raw sa kanya. Katwiran niya, “Alam mo, ang hirap din umaarte, kakanta. Pero siyempre, na-miss ko rin ang singing. Thankful na ko, nagawa ko na naman sa ibang past teleserye ko, ‘di ba?”
Tulad niya, ratsada rin ngayon ang kapatid na si Mika dela Cruz at dito raw siya very proud talaga.
“Proud ate ako, ‘di ba, sige, isa akong stage sister, ha ha ha! Pero seryoso, masaya ako para sa kanya na finally, naipapakita rin niya ang talent niya as an actress.
“And nakakatuwa kasi, ang ganda ng mga feedback sa kanila sa ‘Kara Mia’, ngayon, naghihiwalay na sila,” updated pang hirit niya.
