NI: Rose Garcia
ANG dami naming nababasang reaction ng netizens sa naganap na dinner with celebrity supporters ni President Rodrigo Duterte sa Malacanang.
Wala na halos hanash o reaction sa mga artistang umpisa pa lang, kilala na bilang taga-suporta ni PDigong tulad ng mag-asawang Liza Diño, Aiza Seguerra, Robin Padilla at Mariel Rodriguez.
Pero, iba sa mga tila ngayon lang naging known na supporter pala ni PDigong tulad ng mag-asawang Paul Soriano at Toni Gonzaga, gayundin ni Alex Gonzaga.
Nagulat ang netizens na nandoon sila sa dinner. Though personally, alam namin na Marcos loyalist sina Toni at Paul.
Surely, nababasa na nila ngayon ang mga comments. Kilala sila in-terms of promoting morality. Both are practicing Christians too, pero bigla dahil sa paglantad nila na supporter ni PDigong, ginawang basis ito ng iba at sinabing contradicting ang stand o paniniwala nila.
Same goes with Gretchen Ho na kinuwestiyon talaga dahil kilala palang tumutuligsa sa government tapos ay makikita raw sa dinner.
Sa panahong ito, talagang bawat galaw ng mga celebrities, mabilis ang reaction ng netizens. At wala naman kaming nakikita as long as sa bawat action o desisyon ng mga artista ay alam nila itong panindigan.
