NI: Rose Garcia
WILLING naman mag-audition si Sanya Lopez sa Darna kahit pa Kapuso star siya if ever na sabihan siya ng GMA-7 management.
As we all know, Star Cinema ang producer ng Darna na movie arm ng ABS-CBN kaya naman medyo malabo na mapili ang mga Kapuso stars.
Lumabas kasi ang pangalan ni Sanya sa mga puwedeng maging Darna.
“Kung mag–i-invite sila (Star Cinema), kung may invitation or audition sa GMA mismo, sila na po ang bahala. Kapag pumayag, why not? Hindi naman ako nagko-close ng door,” sabi ni Sanya na bida ng kaka-pilot sa GMA afternoon prime kahapon, ang Dahil sa Pag-Ibig.
Kinokonsider ba niya na mag-audition?
“Basta kung may invitation po. Why not? Darna is Darna. Pero kailangan mong paghandaan ‘yun, eh. It’s not just a role. Kung baga, it’s an icon na kailangan nating alagaan. Kung sino ang mapipili du’n, kailangan niyang gampanan nang maganda.”
To this, very thankful naman si Sanya na kahit nga Kapuso siya ay napipili siya ng netizens.
“Syempre, una po sa lahat, maraming salamat du’n sa mga taong naniniwala sa akin, na kumbaga, nagugustuhan nilang mag-Darna ako. Very happy, siyempre.
“Hello, si Darna po ‘yan! Empowered woman, sobrang strong ng personality, and iconic.”
