NI: Rose Garcia
WALA pa rin official announcement ang GMA-7 kung sino nga ba talaga ang mga kumpirmadong kasama pa ng Kapuso Primetime King na si Dingdong Dantes sa Descendants of the Sun.
Pero kahit wala pang official confirmation, napakatunog na ng tatlong pangalan ng Kapuso stars na sina Jennylyn Mercado, Jasmine Curtis-Smith at Rocco Nacino.
Sina Dingdong at Rocco ang magiging close buddy on and off their soldier’s life. Eh, nakita naming nag-post sa kanyang Instagram account si Rocco na magkasama sila ni Dingdong na nag-i-scooter.
Sa parte ni Dingdong, matagal na nitong hobby ang pagmo-motor, so ‘di kami sigurado kung naimpluwensiyahan nito si Rocco.
Naisip namin na maganda na nagkaka-bonding din sila na parang preparation na rin sa mga characters nila. At kung magiging faithful talaga sa orihinal na kuwento nito, may mga eksena talaga ang dalawa sa D.O.T.S. na nagmo-motor sila.
Obviously, ayaw pang maglabas ng kumpirmadong mga detalye tungkol sa Pinoy adaptation ng Korean series na ito since mga last quarter pa raw ito ng taon, pero from what we heard, nagpa-audition ang GMA para sa ibang cast at yung iba, nagti-training na raw, lalo na yung mga sundalo ang role.
