NI: Rose Garcia
NAGING successful ang airing ng short film na One Hugot Away kaya nasundan ito ng bagong love story na naman made for digital format ng GMA Public Affairs, ang Beauty and the Hypebeast na nagsimulang umere noong June 3 sa GMA 7 at sa Facebook page and You Tube channel.
This time, ang One Hugot Away ay pinagbibidahan ng mga bagong Kapuso stars na sina Angel Guardian and Kelvin Miranda. Mga bago pa lang ang mga ito pero in fairness, both good looking at may talents talaga. Nagpa-sample pa sila ng singing skills nila na akala namin, the usual lang, aba, parehong may ibubuga rin sa singing!
Sa acting ay ilang Kapuso teleserye na ang nakasama si Kelvin at part din siya ng pelikula ni Mikhail Red na youth-thriller-crime na Dead Kids.
Si Angel naman, bukod sa mga TV commercials niya, siya rin ang gumanap na young Ana Roces sa kasalukuyang primetime series na Sahaya.
Puwedeng-puwedeng i-push at bigyan ng iba pang opportunity ng Kapuso network ang dalawa.
Ang Beauty and the Hypebeast ay mapapanood ang full version sa June 7 at 5 p.m. Directed by Zig Dulay.
