NI: Rose Garcia
NAGTI-TRENDING ang nakababatang kapatid ni Ruru Madrid na si Rere Madrid sa live ng Star Struck batch 7 tuwing Sabado at Linggo ng gabi.
Aminado si Rere na may kaakibat na pressure ang pagiging kapatid niya si Ruru. May advantage dahil hayun nga at napapansin at nakikilala siya agad at siyempre, halos hatak na rin niya ang mga fans ng Kuya niya.
Pero pressured din daw dahil parang iniisip, kahit ng mga co-finalist niya na winner na siya. Eh kaya nga raw siya sumali sa StarStruck ay para ma-prove at maipakita niya ang sariling kakayahan at talento.
Anyway, mukhang kapatid man o hindi ni Ruru, tila isa naman talaga si Rere among female finalists na may malakas na laban talaga to be StarStruck’s ultimate survivor.
Last week ay nagkaroon na ng elimination talaga after last week na may pa-surpresang wild cards.
