NI: Rose Garcia
NANGHINAYANG kami at kasalukuyan kaming nasa Vietnam nang mag-renew ng kanyang kontrata sa GMA-7 si Jennylyn Mercado.
Sixteen years ng loyal Kapuso si Jen simula nang manalo siya sa StarStruck batch 1. Naging emosyunal si Jennylyn sa naging contract signing niya nang kausap na ng press.
Nagpapasalamat ang female lead ng primetime romcom serye na Love You Two na si Jennylyn dahil sa 16 years daw niya, never siyang pinabayaan at iniwan ng GMA. Nandiyang nabuntis na raw siya at nagka-anak, pero hindi pa rin siya iniwan.
“Forever akong Kapuso,” ang very proud na sabi ni Jen.
Wala pa raw announcement noong contract signing kung si Jennylyn na nga ba ang magiging leading lady ni Dingdong Dantes sa Descendants of the Sun.
Sa ngayon, bukod sa Love You Two, si Jen din ang female host ng StarStruck.
