NI: Throy Catan
MULING magpe-perform sa isang Christmas concert ang dating Tawag ng Tanghalan contestant na si Irene Solevilla.
Panoorin si Irene live sa “All in One for Christmas” sa December 8, 2019, Sunday, 8PM sa Music Box, Timog Avenue, Quezon City.
Kilala si Irene sa kanyang kakaibang singing prowess dahil kaya niya mag-whistle na ala-Morissette. Una siyang lumabas sa telebisyon sa youth-oriented show na “Bee Happy, Go Lucky!” sa Net25 in 2018 at sa IBC13 ngayong taon.
At dahil sa natural niyang ganda, sumabak na rin siya sa beauty contest. Isa siya sa mga nanalo bilang Miss Balingasa 2019. Nakuha rin niya ang award para sa Best in Talent.
Kamakailan, sumali siya sa Tawag ng Tanghalan sa It’s Showtime, at napabilib niya ang mga hurados lalo na si Ms. Zsa Zsa Padilla. Kinanta niya ang 70’s classic na Lovin’ You na inawit ni Minnie Riperton.
Maliban kay Irene Solevilla, mapapanood din sina Star Music artist Janah Zaplan, dating Tawag ng Tanghalan contestant Jennelyn Gagajena, model/singer Zyryn Laguitao, theater actor/singer Carlo Mendoza, singer Clark Andrews, at dating I Can See Your Voice ‘See-nger’ na si John Arcenas with special guest Victoria Wise.
“All in One for Christmas” ay produksyon ng TJC Entertainment Productions at sa direksyon ni Throy J. Catan. Nagpapasalamat ang TJC Entertainment Productions sa mga sponsors: Throyskie’s Peanut Butter, Above Aesthetics, Dental First, Throycath Travel and Tours Agency, and Aficionado.
Ang mga official media partners sa event na ito ay Showbiz News Intrigues and People’s Balita Showbiz.
