NI: Ruel Mendoza
NAG-POST ang Kapuso singer and TV host na si Mark Bautista sa kanyang social media accounts na merong gumawa ng isang fake account at ginagamit ang pangalan at profile photo niya.
Pinost niya sa kanyang Instagram ang panayam ng kanyang poser sa isang netizen. Mabuti na lang at may nagsabi kay Mark na may nagpapanggap sa kanya at baka magamit pa siya sa mga scam.
“Guys this is not me. Blocked the account already. If you happen to receive DM’s from this person kindly ignore or block the acct. Thank you,” mensahe pa niya.
Laganap ngayon ang mga fake accounts na gamit ang pangalan ng mga celebrities ngayong merong ECQ. Ginagamit nga ang mga fake accounts na ito para makapanghingi ng donasyon na pangtulong daw sa mga frontliners.
Bukod kay Mark, nagkaroon din ng fake social media accounts nila Marian Rivera, Paolo Ballesteros, Maine Mendoza, at Willie Revillame.
