BY: Rose Garcia
NAKIISA ang Kapuso Primetime King na si Dingdong Dantes sa relief effort kasama ang colleagues sa Marine Affiliated Reserve Combat Service Support Batallion (MARCSSBn).
Namahagi sila ng mga food packs na inihanda ng asawang si Kapuso Primetime Queen Marian Rivera-Dantes, iba pang goodies at mga PPE (Personal Protective Equipment) para sa mga kapwa niya reservist na naka-duty sa mga checkpoint.
Sa kanyang Instagram post, ipinarating ng Descendants of the Sun lead star ang kanyang pasasalamat sa mga nagbibigay-serbisyo ngayong naka-community quarantine.
Ayon kay Dingdong, “Isang pagpupugay at pasasalamat sa lahat ng reservists na volunteers at ilang linggo nang naka-deploy sa iba’t ibang lugar sa Luzon para tumulong sa ating mga kababayan.”
Samantala, pansamantalang napapanood ang Encantadia kapalit ng Descendants of the Sun sa GMA Telebabad.
Pero tulad nga ng balita namin, mukhang nalalapit na rin talaga ang pagre-resume ng mga naantalang ongoing serye ng GMA dahil sa enhanced community quarantine.
Ang DOTS naman daw ay nasa last few weeks of taping na lang kaya kung sakali, sandali na lang silang magte-taping at magkakasamang mala-lockdown kunsaan man ang mapipiling location ng production.
